Мбаппе Чемпиондар лигасы тарихындағы үздік бес сұрмергеннің қатарына енді
Мадридтік «Реалдың» шабуылшысы Килиан Мбаппе УЕФА Чемпиондар лигасы тарихындағы үздік сұрмергендер тізімінде бесінші орынға көтерілді, деп хабарлайды Sports24.kz.
Мбаппе «Ромамен» (4:3) өткен матчта гол соғып, Чемпиондар лигасындағы голдар санын 72-ге жеткізді. Осылайша ол «Реалдың» бұрынғы шабуылшысы Раульден озып кетті. Испаниялық футболшының еншісінде 71 гол бар.
«Реал» Римде голдар додасын ұйымдастырып, матчта камбэк жасады: видео
Сондай-ақ римдік клубқа қарсы кездесу француз футболшысы үшін Чемпиондар лигасындағы 100-матч болды. Осылайша Мбаппе турнирде 100 ойын өткізген ең жас футболшы атанып, рекорд орнатты.
Чемпиондар лигасында кім көп гол соққан?
Тарихи рейтингтің көшін 140 гол соққан Криштиану Роналду бастап тұр. Екінші орында 129 голы бар Лионель Месси орналасса, үздік үштікті 109 гол соққан Роберт Левандовски түйіндейді.
Төртінші орында 90 голы бар Карим Бензема тұр. Ал 72 гол соққан Мбаппе бесінші сатыға жайғасып, көрсеткішін жақсартуды жалғастырып келеді.
