Алматыдағы World Tennis Бас ассамблеясының қорытындысы: әлемдік теннистің болашағына қатысты шешімдер жарияланды
Қатысушылар әлемдік теннисті дамытудың стратегиялық бағыттарын талқылады
ФОТО: КТФ
Алматыда 11–13 қазан аралығында Дүниежүзілік теннис конференциясы мен World Tennis ұйымының жыл сайынғы Бас ассамблеясы өтті. Ауқымды халықаралық форумға әлемнің 128 елінің өкілдері қатысты, деп хабарлайды Sports24.kz.
Конференцияның басты тақырыбы «A World of Opportunity» («Мүмкіндіктер әлемі») болды. Қатысушылар әлемдік теннисті дамытудың стратегиялық бағыттарын, бұл спорт түрінің қолжетімділігін арттыруды, жаңа ойыншылар мен жанкүйерлерді тартуды, сондай-ақ ұлттық федерациялар арасындағы ынтымақтастықты нығайтуды талқылады.
World Tennis президенті Дэвид Хаггерти теннисті танымал етуде және осы спорт түрін дамытудың тұрақты жүйесін қалыптастыруда ұлттық федерациялардың жұмысы маңызды екенін атап өтті.
«Біз миллиардтаған адам тамашалайтын және үздік спортшылар өнер көрсететін әлемдегі ең танымал спорт түрлерінің біріне жол ашып жатырмыз. Алайда теннистің жергілікті қауымдастықтардан басталатынын және ұлттық федерацияларымыздың күш-жігері спорттың бүкіл әлемде дамуына ықпал ететінін есте ұстау маңызды. Ұлттық қауымдастықтардың бізбен тығыз ынтымақтастықта жұмыс істеуі осы үдерісті бастау үшін шешуші мәнге ие», - деді Дэвид Хаггерти.
Конференция халықаралық байланыстарды нығайтуға да мүмкіндік берді. Ұлттық және өңірлік теннис ұйымдарының өкілдері тәжірибе алмасып, бірлескен бастамалар мен одан әрі ынтымақтастық мүмкіндіктерін талқылады.
Делегаттар ұлттық федерациялардың мүшелігіне және World Tennis жарғысының ережелеріне қатысты бірқатар қарарды қарады. Сонымен қатар ассамблеяға қатысушылар бірнеше халықаралық жарыстың атауына енгізілетін өзгерістерді бекітті.
Мүгедектер арбасындағы теннистен өтетін Wheelchair Tennis Masters қорытынды турнирі жаңа атауға ие болды — Wheelchair Finals. Бұл атау осы маусымда күшіне енеді. Жаңа атаумен алғашқы жарыс 2026 жылғы қарашада Барселонада (Испания) өтеді.
Өзгерістер World Tennis Masters Championships командалық турнирлерінің 30+ жас санатына да қатысты. Ерлер арасындағы жарыс енді Leander Paes Cup, ал әйелдер арасындағы дода Marie Pinterova Cup деп аталады.
Халықаралық федерация атап өткендей, Дүниежүзілік теннис конференциясы мен World Tennis Бас ассамблеясының Алматыда өтуі Қазақстанның халықаралық теннис аренасындағы позициясын нығайту жолындағы маңызды кезең болды. Осындай ауқымды форумды алғаш рет қабылдаған Қазақстан теннис федерациясы әлемнің ұлттық федерацияларының өкілдерін бір алаңға жинады. Мұнда теннисті дамытудың стратегиялық мәселелері талқыланып, осы спорт түрінің болашағын айқындайтын шешімдер қабылданды.
Іс-шараның Қазақстанда ұйымдастырылуы халықаралық теннис қауымдастығының елімізге деген жоғары сенімін және Қазақстан теннис федерациясының теннис инфрақұрылымын дамыту, спортшыларды даярлау мен теннисті танымал ету бағытындағы көпжылдық еңбегін мойындауды білдіреді. Форум халықаралық ынтымақтастықты кеңейтуге, тәжірибе алмасуға және бірлескен бастамаларды жүзеге асыруға жаңа мүмкіндіктер ашты.
Делегаттар ұлттық федерациялардың мүшелігіне және World Tennis жарғысының ережелеріне қатысты бірқатар қарарды қарады. Сонымен қатар ассамблеяға қатысушылар бірнеше халықаралық жарыстың атауына енгізілетін өзгерістерді бекітті.
Мүгедектер арбасындағы теннистен өтетін Wheelchair Tennis Masters қорытынды турнирі жаңа атауға ие болды — Wheelchair Finals. Бұл атау осы маусымда күшіне енеді. Жаңа атаумен алғашқы жарыс 2026 жылғы қарашада Барселонада (Испания) өтеді.
Өзгерістер World Tennis Masters Championships командалық турнирлерінің 30+ жас санатына да қатысты. Ерлер арасындағы жарыс енді Leander Paes Cup, ал әйелдер арасындағы дода Marie Pinterova Cup деп аталады.
Халықаралық федерация атап өткендей, Дүниежүзілік теннис конференциясы мен World Tennis Бас ассамблеясының Алматыда өтуі Қазақстанның халықаралық теннис аренасындағы позициясын нығайту жолындағы маңызды кезең болды. Осындай ауқымды форумды алғаш рет қабылдаған Қазақстан теннис федерациясы әлемнің ұлттық федерацияларының өкілдерін бір алаңға жинады. Мұнда теннисті дамытудың стратегиялық мәселелері талқыланып, осы спорт түрінің болашағын айқындайтын шешімдер қабылданды.
Іс-шараның Қазақстанда ұйымдастырылуы халықаралық теннис қауымдастығының елімізге деген жоғары сенімін және Қазақстан теннис федерациясының теннис инфрақұрылымын дамыту, спортшыларды даярлау мен теннисті танымал ету бағытындағы көпжылдық еңбегін мойындауды білдіреді. Форум халықаралық ынтымақтастықты кеңейтуге, тәжірибе алмасуға және бірлескен бастамаларды жүзеге асыруға жаңа мүмкіндіктер ашты.
