«Көпшілік үшін аса толқытатын сәт»: Намибия бапкері Қазақстанға қарсы матчқа таңданысын жасырмады

Халықаралық жолдастық кездесу

25.03.2026, Аяқт.

Қазақстан

2

Намибия

0

25 наурызда Қазақстан мен Намибия FIFA Series 2026 турнирі аясында кездеседі. Африка құрлығының өкілдері Астанада өтетін жолдастық кездесудің маңыздылығын жасырмайды.

Намибия құрамасының бас бапкері Коллин Бенжамин шәкірттерінің көпшілігі үшін Қазақстанмен болатын матч Африкадан тысқары өтетін алғашқы ойын екенін ерекше атап өтті:

«Футболшылар алаңға шығып, осы маңызды ойындарда өздерін көрсетуді қатты қалайды. Бұл олардың көбісі үшін аса толқытатын уақыт, өйткені бұған дейін олар Африкадан тыс жерде болмаған. Енді олар аса маңызды турнирде бағын сынай алады, мұның бәрі FIFA-ның арқасында мүмкін болды», — деді Бенжамин.

Бұған дейін намибиялық футболшылар Астананы аралап, ел астанасындағы төменгі температураларға таңданыстарын жасырмады.

Жантөре Қайсаров

Редактор

0 0 0 0 0 0