Инфантиноға жауап: УЕФА өз әлем чемпионатын дайындауда
ФИФА-ның турнирді басқару құқықтарының бір бөлігін сатуға қатысты бастамасына жауап ретінде тоқсаннан астам қауымдастық әлем чемпионатын бойкоттауға кірісті. Білсеңіз, тоғыз жыл бұрын-ақ УЕФА ұлттық құрамалар арасындағы басты турнирдің балама жобасын дайындап қойған екен, деп хабарлайды Sports24.kz.
Sky Sports дерегінше, Еуропа футболының басты органы 2017 жылы-ақ Global Nations League атты турнир жобасын жасаған. Бұл форматта әлем чемпионаты әртүрлі дивизиондарда өтетін жеті финалдық турнирден тұратын еді. Әр турнирге сегіз ұлттық құрама қатысар еді – бұл УЕФА Ұлттар Лигасы форматына ұқсас.
Ең күшті дивизионда үш еуропалық, екі Оңтүстік Америкалық және Африка, Азия мен Солтүстік Америкадан бір-бірден команда қатысуы жоспарланған.
ФИФА клубтық әлем чемпионатына басымдық бергеннен кейін бұл жобаны тоқтатуға тура келген.
Еске салсақ, бұған дейін УЕФА мен КОНКАКАФ-тың барлық мүшелері ФИФА-ның әлем чемпионатын жеке компанияға өткізу құқығын сату шешіміне жауап ретінде ұлттық құрамалар деңгейіндегі турнирлерді бойкоттауға шешім қабылдаған болатын.
