Роналду көп сақина тағып жұрт алдына шықты: үйлену жақын ба?
Криштиану Роналду мен Джорджина Родригестің қарым-қатынасы португалдық футболшының ойынынан кем талқыланбайды. Көрсеткендей, қос ғашық бұл сұраққа нүкте қоюға бел буған секілді — бұл өте жақын арада орын алмақ, деп хабарлайды Sports24.kz.
Испаниялық папарацци Роналду мен Родригесті Мальоркада саусақтарында алып сақиналармен байқап қалды. Хабарланғандай, олар жақын демалыс күндері өздерінің қарым-қатынасын заңдастырады деп күтілуде.
Дегенмен, салтанат Испанияда емес, Португалиядағы Кинта-де-Регалейра сарайында өтеді. Әйтсе де, шара көпшілік көзінен жасырын түрде өтеді деп күтілуде.
Еске салайық, Роналду өткен жылы Джорджинаға ұсыныс жасап, тек онымен ғана шынайы отбасы құруды армандайтынын айтқан еді. Өзі толыққанды үйлену тойын Португалия құрамасы әлем чемпионатында 1/8 финалда Испанияға жол берген соң өткізуді қалаған.
Роналду мен Джорджина алғаш 2016 жылы танысты. Сол кезде португалдық шабуылшы мадридтік «Реалда» өнер көрсетіп, Родригес Мадридтегі Gucci дүкенінде жұмыс істейтін.
