Еуропалық басылым Өзбекстанның басты жұлдыздарын ЧМ-2026 басталар алдында атады
Польшаның TVP Sport басылымы Өзбекстан құрамасының әлем чемпионатына қатысуы бойынша өз сараптамасын ұсынды, деп хабарлайды Sports24.kz.
Порталдың шолушылары өзбек командасына жеке-жеке тоқталып, іріктеу кезеңінің басты кейіпкерлері бапкер Фабио Каннавароның көлеңкесінде қалғанын атап өтті:
«Әлем чемпионаты қарсаңында ең үлкен назар итальяндық бапкерге аударылып отыр. Бірақ, оның көлеңкесінде Өзбекстан құрамасының нағыз батырлары қалып отыр, олар мундиальға тарихи жолдаманы тікелей алаңда жеңіп алды.
Іріктеу барысында команданың негізгі ойыншылары Абдукодир Хусанов, Аббосбек Файзуллаев, Отабек Шукуров және Жалолиддин Машарипов болды. Сондай-ақ, Ходжиакбар Алижонов пен Шерзод Насруллаев айрықша статистикалық көрсеткіштерімен маңызды рөл атқарды.
Дегенмен, Өзбекстан құрамасының басты футболшысы әрі капитаны Элдор Шомуродов болды. Серия А-дағы өнерімен танымал шабуылшы командадағы үздік сұрмерген әрі басты ассистент атанды», — деп жазады Павел Смолиньскидің мақаласында.
Айта кетейік, топтық кезеңде Өзбекстан Португалия, Колумбия және ДР Конгомен кездеседі. Айтпақшы, бұған дейін Каннавароның әлем чемпионатына арналған соңғы таңдау құрамы белгілі болған еді.
