«Энфилдтегі» масқара: «Ливерпуль» жұлдызын даулы симуляциясы үшін қатаң сынға алды
«Ливерпуль» жартылай қорғаушысы Алексис Макаллистер АПЛ-дің тоғызыншы турында лондондық «Арсеналға» қарсы өткен матчта симуляция жасағаны үшін қатаң сынға ұшырады, деп хабарлайды Sports24.kz.
Оқиға матчтың 79-минутында болды. Мартин Эдегормен соқтығысқаннан кейін аргентиналық футболшы Нони Мадуэкемен сөзге келіп қалды. Футболшылар маңдайларымен түйісіп қалған соң, Макаллистер алаңға әсерлі түрде құлап түсті.
Бұл эпизодты VAR жүйесі тексерді, алайда төрешілер «Арсенал» ойыншысын алаңнан қууға негіз таппады.
Аргентиналық футболшының әрекетін «Ливерпульдің» бұрынғы қорғаушысы Джейми Каррагер ерекше қатты сынға алды.
«Бұл — масқара. Мұндай мінез-құлықты тоқтату керек. Мен „Ливерпульге“ жанкүйермін, бірақ бұл жай ғана күлкілі», — деді сарапшы.
Матчтан кейін Мадуэке қарсыласы оны әдейі алаңнан қуғызуға тырысты деп топшылады.
Еске салайық, «Арсенал» 1:0 есебімен жеңіске жетіп, АПЛ аясында «Энфилдте» 14 жылдан кейін алғаш рет жеңіске жетті.
