Джейми Варди ағылшын футболына оралғаннан кейінгі алғашқы голын соқты!
17 қазанға қараған түні Дастан Сәтпаевтың «Бернлиі» Чемпионшиптің 11-туры аясында «Вулверхэмптонды» қабылдап жатыр және матчтағы есеп ашылды, деп хабарлайды Sports24.kz.
«Бордолылардың» жұлдызды шабуылшысы Джейми Варди ағылшын футболына оралғаннан кейінгі алғашқы голын соқты. 39 жастағы ағылшын шабуылшысы «Вулвзға» қарсы матчтың 20-минутында есеп ашты.
Еске сала кетейік, «Лестердің» аңызы қыркүйек айында «Бернли» ойыншысы атанды. Бұл — оның бір жыл бұрын «түлкілер» сапынан кеткеннен кейін ағылшын футболына қайта оралуы.
Айта кетейік, Сәтпаев кездесуді «бордолылардың» қосалқы құрамында бастады. Ағымдағы маусымда 18 жастағы қазақстандық форвард бес матчқа қатысып, гол немесе нәтижелі паспен көзге түскен жоқ. Бұған дейін қазақстандық вундеркинд жарақатына байланысты бірнеше ойынға қатыса алмады.
Айтпақшы, бұған дейін «Бернлидің» бас бапкері Вардипен бірге ойнаудың Сәтпаевқа қандай пайдасы барын атаған еді.
