Дәуірдің соңы: Мбаппе 20 жылдан кейін революциялық қадамға барды
Килиан Мбаппе Nike-пен серіктестігін тоқтатып, швейцариялық On брендіне қосылды, деп хабарлайды Sports24.kz.
The Touchline мәліметінше, «Реал» мен Франция құрамасының супер жұлдызы On брендіне ресми түрде қосылып, Nike-пен серіктестігін үзді. Сонымен қатар «Арсенал» аңызы Тьерри Анри швейцариялық брендтің футбол жөніндегі жаңа директоры атанады.
Nike Мбаппені сегіз жасынан бері жабдықтап келді, ал оның фирмалық Mercurial бутсылары компанияның негізгі өнімдерінің біріне айналды. Ақпаратқа қарағанда, оның америкалық алпауытпен келісімшарты 31 шілдеде аяқталған. Бұл сенсациялық ауысымға жол ашты.
Теннис аңызы Роджер Федерермен серіктестігі және кроссовкаларымен танымал швейцариялық On компаниясы өзінің алғашқы футбол бөлімшесін іске қосып жатыр. Килиан Мбаппе брендтің футбол бутсылары сегментіндегі кеңеюінің басты тұлғасына айналады.
Қаржылық шарттар ресми түрде жарияланған жоқ, алайда бұған дейін Испанияда құны бірнеше миллион еуро болатын келісім туралы ақпарат тараған. Nike үшін футболдағы басты жұлдызынан айырылу — adidas пен Puma-ға қарсы күрестегі орасан соққы. Ал On үшін бұл футбол жабдықтары нарығын өзгертуі мүмкін стратегиялық мәлімдеме.
Бұған дейін Мбаппе өзінің «Бернабеудегі» қасиетті миссиясын атаған болатын.
