Дастан Сәтпаев негізгі құрамда шыққан ойында «Бернли» Чемпионшипте «Норвичтен» ірі есеппен жеңілді
Дастан Сәтпаев өнер көрсететін «Бернли» Чемпионшиптің үшінші турында сырт алаңда «Норвичтен» ірі есеппен жеңілді, деп хабарлайды Sports24.kz.
«Карроу Роудта» өткен кездесудің басы қонақтар үшін сәтсіз болды. Екінші минутта Мохаммед Туре есеп ашса, арада үш минут өткенде Андре Брукс алаң иелерінің басымдығын еселеді. 21-минутта Туре дубль жасап, есепті 3:0-ге жеткізді.
Қонақтар 27-минутта бір голмен жауап қайтарды. Джош Лоран есеп айырмасын қысқартты. Алайда «Бернли» одан әрі ойын барысын өзгерте алмады. Үзілістен кейін Брукс екінші голын соғып, матчтың қорытынды есебін белгіледі – 4:1.
Кездесудің соңғы бөлігін «Бернли» бір ойыншы кем өткізді. 77-минутта Лоран екінші сары қағазын алып, алаңнан қуылды.
18 жастағы Дастан Сәтпаев «Бернлидің» негізгі құрамында алаңға шықты. Қазақстан құрамасының футболшысы үшін бұл Чемпионшипте алғашқы минуттан бастаған алғашқы матч болды. Қазақстандық ойыншы нәтижелі әрекетімен көзге түскен жоқ.
Чемпионшип. 3-тур
«Норвич» – «Бернли» – 4:1 (3:1)
Голдар: Туре, 2 – 1:0; Брукс, 5 – 2:0; Туре, 21 – 3:0; Лоран, 27 – 3:1; Брукс, 67 – 4:1.
Алаңнан қуылды: Лоран, 77 («Бернли», екінші сары қағаз).
Үш турдан кейін «Бернли» бір ұпаймен Чемпионшиптің турнир кестесінде 21-орында тұр. Ал үш ұпайы бар «Норвич» 15-сатыда келеді.
