«Бернли» жанкүйерлері ауыр жеңілістен кейін Сатпаевты командадан жоғары қойды
«Бернли» жанкүйерлері Чемпионшиптің 3-туры аясында «Норвичтен» 1:4 есебімен ойсырай жеңілгеннен кейін қазақстандық шабуылшы Дастан Сатпаевтың ойынына жоғары баға берді, деп хабарлайды Sports24.kz.
«Бордолылардың» жанкүйерлері матчтан кейін Дастанның кешегі ойында алаңдағы команда құрамындағы санаулы жарқын ойыншылардың бірі болғанын атап өтті.
«Бүкіл матчта тек Сатпаев қана жақсы ойнады, нағыз жалғыз жауынгер секілді».
«Сәтсіз өткен матчтағы ең үздік ойыншы».
«Жалпы, Дастан өте жақсы ойнады. Оған әлі де көбірек жаттығып, командаластарымен өзара түсіністігін жақсарту қажет. Жарайсың, Дастан! Алға қарай жылжи бер!».
«Бізге әлі де командалық үйлесімділік жетіспейді. Ойыншылар пас қабылдау және үдеу үшін қай жерде орналасу керектігін білмейді. Сатпаевқа келсек, оған жеткілікті пас берілген жоқ, сондықтан ол тым жиі жеке ойнауға тырысты. Кейде бұл жұмыс істеді, кейде жоқ. Қазір басты мақсат – команда болып ойнауды жақсарту, жігіттер алаңда бір-бірін көріп, шынайы байланыс орната алатындай деңгейге жету».
«Қарғыс атсын, мына вундеркинд ДАСТАНҒА допты беріңдер!».
«Ол орталық шабуылшы позициясында ойнауы керек, бұл – оның орны».
«18 жастағы Сатпаев кеше алаңда ойнауға ынтасы бар жалғыз ойыншы болды», – деп жазды жанкүйерлер матчтан кейін әлеуметтік желіде.
Чемпионшиптің 3-туры аясындағы «Норвич Ситиге» қарсы матчта Дастан Сатпаев «Бернли» сапында тұрақты чемпионаттағы алғашқы кездесуін негізгі құрамда бастады.
Ойын команданың жеңілісімен аяқталып, есеп 1:4 болды. Алайда қазақстандық шабуылшы алаңда толық 95 минут өткізіп, командадағы ең жоғары бағаға ие болды.
