Дастан Сатпаев қазақ футболының тарихын қайта жазды
17 жастағы «Қайрат» және Қазақстан құрамасының шабуылшысы Дастан Сәтпаев өзінің есімін еуропалық футбол тарихына алтын әріппен жазды. Ол сырт алаңда өткен «Копенгагенге» қарсы Чемпиондар Лигасы матчында гол соғып, бұл турнирде мерген атанған алғашқы қазақ футболшысы болды.
Жас шабуылшы 81-минутта туған мүмкіндікті салқынқандылықпен пайдаланып, есепті қысқартты. Гол соққан сәтте Дастан небәрі 17 жас 110 күнде ғана болатын. Осы нәтижесімен ол биылғы маусымдағы Чемпиондар Лигасының ең жас үш гол соққан ойыншысының қатарына енді.
Сәтпаевтың дәл осы голы «Қайраттың» ойынын қайта жандандырған ұшқын болды. Ал қосымша уақытта Олжас Байбек тағы бір гол соғып, есепті 3:2-ге жеткізді. Алматылықтар қаһармандық танытқанымен, матч тағдыры өзгермеді. Дегенмен бұл ойын Қазақстан футболына тарихи сәт сыйлады.
