«Челси» аккаунты Дастан Сатпаевтың өнеріне баға берді
«Челси» клубының жалға берілген ойыншылары туралы есеп жариялаған Chels Zone фанаттық аккаунты «Бернлидің» қазақстандық шабуылшысы Дастан Сатпаевты атап өтті, деп хабарлайды Sports24.kz.
«Қыркүйек айының басында Сатпаев «Мидлсбромен» өткен және 1:1 есебімен аяқталған матчта негізгі құрамда алаңға шықты. Ол «бордылар» сапында 81 минут ойнады, кейін жарақатына байланысты алаңды тастауға мәжбүр болды», - делінген жарияланымда.
Айта кетейік, 2 қыркүйекте өткен «Мидлсброға» қарсы ойын әзірге Сатпаев үшін соңғы матч болып тұр. Кездесудің соңына қарай ол жамбасының артқы бөлігінен ауырсыну сезініп, бұлшықетін ұстап алаңнан шықты. Кейінгі медициналық тексеру нәтижесінде оның сіңір жарақатын алғаны расталды.
Сатпаевтың Англиядағы алғашқы маусымы
Қазақстандық футболшы «Бернли» сапында төрт ресми матч өткізді. Чемпионшипте ол «Вест Бромвичке», «Норвичке» және «Мидлсброға» қарсы ойнады. Сондай-ақ Англия лигасы кубогында «Брэдфорд Ситиге» қарсы матчты негізгі құрамда бастады. Жалпы алаңдағы уақыты 283 минутты құрады. Ал чемпионатта үш кездесуде 204 минут ойнап, гол соғып немесе нәтижелі пас бере алған жоқ.
Еске салайық, Дастан Сатпаев қазір жарақатынан қалпына келуін жалғастырып жатыр. Ақпарат көздері оның алаңға шамамен қазан айының ортасында оралуы мүмкін екенін хабарлады. Осыған байланысты ол қазан айындағы ойындар сериясының басын өткізіп алуы мүмкін, алайда теориялық тұрғыда «Вулверхэмптон» немесе «Портсмутқа» қарсы матчтарға оралып үлгеруі ықтимал.
Бұған дейін Sports24.kz Дастан Сатпаевтың «Бернлидегі» өнеріне егжей-тегжейлі талдау жасаған. Материалда қазақстандық футболшының Англиядағы алғашқы матчтары, Чемпионшиптің ҚПЛ-дан айырмашылығы және 18 жастағы Сатпаевтың жаңа чемпионатқа бейімделуі қарастырылған.
Сатпаевтың клубы қазан айында кіммен және қашан ойнайды
