Криштиану Роналду Португалия құрамасына оралудан бас тартты
«Аль-Насрдың» 41 жастағы шабуылшысы Криштиану Роналду Португалия құрамасына бас бапкер Жорже Жезуш жетекшілік етіп тұрған кезде оралмайды, деп хабарлайды Sports24.kz.
Бұл туралы CNN Portugal журналисі Руи Сантуш мәлімдеді. Оның ақпаратына сүйенсек, 41 жастағы шабуылшы УЕФА Ұлттар лигасының 4-туры аясында Норвегияға қарсы өткен матчтан (2:1) кейінгі баспасөз конференциясында маманның айтқан сөздеріне көңілі толмаған.
Роналдудың Португалия құрамасында басынан не өтті
1 қазанда Роналду жаттықтырушылар штабымен болған келіспеушіліктен кейін ұлттық құрама орналасқан жерден кетіп қалды. Жезуш 41 жастағы шабуылшыны Норвегиямен өткен матчта алаңға шығармады және кейін оның келесі ойында да қосалқы құрамда қалуы мүмкін екенін мәлімдеді.
Кейінірек бапкер Роналду үшін ұлттық құрама есігі ашық күйінде қалатынын мәлімдеді, алайда футболшыдан кешірім сұрауды қажет деп санамайтынын айтты.
Роналдусыз Португалия құрамасы Ұлттар лигасындағы үш матчтың барлығында жеңіске жетіп, өз тобында көш бастап келеді.
Әлеуметтік желідегі жарияланымдарға қарағанда, Роналду «Аль-Наср» клубының орналасқан жеріне оралып, командамен бірге жаттығуға кіріскен.
