Қазақстанда Ресеймен матчта Өзбекстанның жеңіске жететіні болжанды
Отандық футболдағы ең атақты әрі беделді бапкерлердің бірі Дмитрий Огай Sports24.kz тілшісіне берген сұхбатында Өзбекстан мен Ресей құрамалары арасындағы алдағы матч туралы пікір білдірді.
Жолдастық матч 12 қарашада Қазақстан уақытымен сағат 20:00-де өтеді.
«Өзбекстан өз алаңында ойнайтынын ескерсек, матч тең аяқталады немесе өзбек футболшылары жеңіске жетеді деп ойлаймын. Дегенмен, Ресейдің өте жақсы командасы бар. Жолдастық матчтардың принциптік сипаты болмайтыны анық. Әлем немесе Еуропа чемпионатына іріктеу кезеңіндегі ойындар — мүлде басқа мәселе», — деді сарапшы.
Валерий Карпин командасы үшін Ташкенттегі кездесу қараша айына жоспарланған екі жолдастық матчтың біріншісі болмақ. Ресей құрамасы келесі ойынын 17 қарашада Краснодарда Венесуэлаға қарсы өткізеді. Бұған дейін Өзбекстан құрамасының бас бапкері Фабио Каннаваро Ресей құрамасының ұйымшылдығы мен агрессивті ойын мәнері үлкен қауіп төндіретінін айтқан еді.
