Каннаваро Өзбекстанмен матч алдында Ресей құрамасына баға берді
Өзбекстан құрамасының бас бапкері Фабио Каннаваро екі құрама арасындағы жолдастық матч қарсаңында Ресей ұлттық құрамасы туралы пікір білдірді, деп хабарлайды Sports24.kz «Чемпионат» басылымына сілтеме жасап.
Итальяндық маман Ресей футболшыларын жақсы білетінін және Валерий Карпин командасының ойынын мұқият зерттегенін атап өтті.
Оның айтуынша, қарсылас ұйымшылдығы мен агрессивті ойын мәнерінің арқасында үлкен қауіп төндіреді.
«Мен бұл команданы, бұл ойыншыларды білемін. Ресей құрамасының көптеген матчын көрдік. Бұл — өте мықты команда. Карпинді білемін, ол өте жақсы футболшы болған. Агрессивті, жинақы команда. Бізге оңай болмайды. Үздік командаға қарсы ойнайтындықтан, бұл біз үшін жақсы сынақ. Өзімізді тексеруге тамаша мүмкіндік, ойыншылар үшін жақсы тәжірибе», - деп Каннавароның сөзін «Чемпионат» тілшісі Александр Ершов жеткізді.
Өзбекстан мен Ресей құрамалары арасындағы жолдастық кездесу 12 қарашада Ташкенттегі «Пахтакор» стадионында өтеді. Ойын Астана уақытымен 20:00-де басталады.
Айта кетейік, командалар бұған дейін 2022 жылдың қарашасында кездескен. Ол кезде Ташкенттегі матч 0:0 есебімен аяқталды. Алдағы ойын Өзбекстан құрамасына Каннаваро жаттықтыратын Ресей құрамасына қарсы күшін сынауға мүмкіндік береді.
Өзбекстан - Ресей: жолдастық матчты қайдан көруге болады. LIVE-трансляция
