Қазақстан УЕФА мүшесі ретінде Инфантиноға байланысты ӘЧ-ны бойкоттайды
Еуропа футбол қауымдастықтары одағы (УЕФА) барлық 55 мүшесінің, соның ішінде Қазақстан футбол федерациясының да, ФИФА аясындағы жарыстарға қатысудан бас тартатынын мәлімдеді, деп хабарлайды Sports24.kz.
Бұл шешім әлем чемпионатын коммерцияландыруға қатысты жоспарларға байланысты қабылданды
«УЕФА және оның ұлттық қауымдастықтары ФИФА жарыстарына қатыспайды. УЕФА және оның 55 ұлттық қауымдастықтары біртұтас ұстанымда. Біз бірауыздан және анық түрде ФИФА-ның Әлем кубогы мен басқа да FIFA жарыстарының құқықтарын жеке инвесторларға беру туралы ұсынысын қабылдамаймыз. Футболдан әлем чемпионаты инвестициялық өнім ретінде қарастырылмауы керек. Бұл — футболдағы ең ұлы спорттық жетістіктердің бірі. Бұл турнирді бірнеше ұрпақ бойы ойыншылар, ұлттық құрамалар мен жанкүйерлер бірлесіп қалыптастырды», — делінген УЕФА мәлімдемесінде.
Айта кетейік, Қазақстан 2002 жылдан бері УЕФА мүшесі.
Бұған дейін The Times газеті ФИФА президенті Джанни Инфантино әлем чемпионатының коммерциялық құқықтарының бір бөлігін жеке инвесторларға сатуды жоспарлап отырғанын хабарлаған болатын. Бұл схема оған ондаған миллион доллар табыс әкелуі мүмкін. Жоспарға сәйкес, арнайы компания құрылып, ол ФИФА-ның басты ерлер мен әйелдер турнирлерін — Әлем чемпионаты мен клубтық әлем чемпионатын — бақылауға алмақ. Сондай-ақ, ұйым АҚШ-тың бұрынғы президенті Дональд Трамптың әкімшілігіне жақын тұлғалармен кеңескені атап өтілді.
