АПЛ күнтізбесі жарияланды: Сатпаев «Челси» сапында қашан дебют жасайды?

«Зейнеткерлердің» жаңа маусымдағы алғашқы матчын ұзақ күтуге тура келеді

Футбол Бүгін 05:20

Жантөре Қайсаров

Редактор

Дастан Сатпаев жақын арада «Челси» ойыншысы атанады. Бұл ретте лондондық клуб 2026/2027 маусымына арналған ойындарының кестесін жариялады, деп хабарлайды Sports24.kz.

Алғашқы матч 24 тамызда «Крейвен Коттеджде» «Фулхэмге» қарсы өтеді, ал бес күннен кейін Хаби Алонсо «зейнеткерлердің» бас бапкері ретінде өз алаңында дебют жасайды, қарсылас — «Брайтон».

• Сондай-ақ оқыңыз: Сәтпаев «Қайрат» сапындағы қоштасу ойынында гол соқты, бірақ барлық жанкүйер көре алмады

Үшінші турда-ақ «Челси» жаңа маусымдағы алғашқы мықты қарсыласына тап болады — сырт алаңда «Арсеналға» қарсы ойнайды. Күзде тағы бірнеше маңызды ойындар күтіп тұр: қарсыластар қатарында «Тоттенхэм» мен «Манчестер Юнайтед» бар.

Еске сала кетейік, өткен маусымда «Челси» АПЛ-да оныншы орын алып, биыл еурокубоктық футболсыз қалды.