АПЛ-дің басқа командаларының футболшылары «Манчестер Ситиден» ақша талап етуде: мән-жайы белгілі
Басқа клубтардың футболшылары «Манчестер Ситидің» қаржылық фэйр-плей ережелерін бұзу ісінде кінәсін мойындауына байланысты клубқа қарсы ықтимал талап-арыздарды адвокаттарымен талқылауда, деп хабарлайды Sports24.kz.
Sky Sports мәліметінше, ойыншылар агенттерімен бірге өз командаларының титулдан айырылуы немесе еурокубоктарға жолдама ала алмауы жағдайы келісімшарттарда көрсетілген бонустардың төленуіне қалай әсер ететінін білгісі келеді. «Манчестер Ситиге» нақты кімнің сотқа жүгінетіні әзірге белгісіз.
Еске салайық, Премьер-лига клубты ресми түрде кінәлі деп таныды: «Манчестер Сити» 2009 жылдан 2018 жылға дейінгі кезеңде нақты қаржылық ақпарат пен ойыншыларға және жаттықтырушыларға жасалған төлемдер туралы мәліметтерді ұсынбаған. Сонымен қатар клуб УЕФА-ның қаржылық фэйр-плей ережелерін және лиганың табыстылық пен қаржылық тұрақтылыққа қатысты жеке ережелерін (PSR) бұзған.
2020 жылғы ақпанда УЕФА «Манчестер Ситиді» еурокубоктардан екі жылға шеттетіп, клубқа 30 миллион фунт көлемінде айыппұл салды. Алайда ағылшындық алпауыт Лозаннадағы Спорттық арбитраждық сотта шеттету жазасының күшін жойып, айыппұл мөлшерін 30 миллионнан шамамен тоғыз миллион фунтқа дейін төмендетуге қол жеткізді.
