Алонсо Энцоның «Манчестер Сити» сапына ауысуы жайлы сыбыстар аясында оның «Челси» матчына қатысуын бағалады
«Челси» клубының бас бапкері Хаби Алонсо аргентиналық жартылай қорғаушы Энцо Фернандестің «Лутон Таунға» қарсы матчқа қатысу мүмкіндігі туралы пікір білдірді. Бұл арада ойыншының «Манчестер Сити» қатарына ауысуы жайлы қауесеттер күшейіп тұр, деп хабарлайды Sports24.kz.
Испаниялық маман Энцоның ойынға шығатынына үмітті екенін жеткізді. Себебі ол команданың жаттығуында белсенді жұмыс істеп, ұжымға қажет көшбасшылық қасиеттерін көрсетуде:
«Иә, сондықтан біз оның бұл матчта алаңға шығуын күтеміз. Ол жаттығуға қатысып жүр, өте жақсы жұмыс істеп жүр, кәсіби тұрғыда өзін көрсетті және міндетті түрде ойынға қатысады. Біз ең мықты құраммен ойнағымыз келеді. Оның шеберлігін білеміз. Бұл деңгейін ол әлдеқашан дәлелдеді. Әзірге біз ертеңгі матчты ойлап отырмыз, әрі қарай не болатынын кейін көреміз», — деді Алонсо баспасөз мәслихатында.
Айта кетейік, бұған дейін «Манчестер Сити» аргентиналық ойыншы үшін «Челси» клубына ұсыныс жасағаны белгілі болды, бұл сома 160 миллион еуродан асып кетуі мүмкін. Қазіргі уақытта Лондон клубы бұл ұсынысқа ресми жауап берген жоқ.
«Челси» мен Англияның үшінші лигасында өнер көрсететін «Лутон Таун» 27 тамыз кешінде Англия лигасының кубогы екінші туры аясында кездеседі.
