Ағылшын басылымы Сатпаевқа «Бернлимен» матчтағы ойыны үшін баға қойды
Ағылшындық Burnley Express басылымы Дастан Сатпаевтың Чемпионшиптегі «Мидлсброға» қарсы матчтағы (1:1) ойынына өз бағасын берді, деп хабарлайды Sports24.kz.
Портал шолушылары бұл кездесуде Қазақстан құрамасының вингері көрсеткен ойынды жалпы жақсы бағалап, оған мүмкін болатын 10 ұпайдың жетеуін берді. Сонымен қатар олар Сатпаевты «Бернли» құрамындағы ең жарқын ойыншылардың бірі деп атады:
«Ол тағы да «Бернлидің» басты позитивті тұстарының біріне айналды. Бар күшін салып ойнайды және қарсылас қақпасы маңында нақты қауіп төндіреді. Қақпашы қайтарып жіберген қуатты соққы жасады, кейін тағы да гол соға алмады — қақпашы аяғымен құтқарып қалды», — деп жазды Burnley Express шолушылары.
Еске салайық, «Мидлсброға» қарсы матчта Сатпаев алаңда 80 минут өткізіп, нәтижелі әрекеттерімен көзге түсе алмады. Алайда оның алаңдағы басқа әрекеттері Англия Футбол лигасының нұсқасы бойынша матчтың үздік ойыншысы атануына жеткілікті болды.
