«Сатпаев шокта» – сарапшы Дастанның «Бернлидегі» болашағына қатысты күтпеген пікір білдірді
Қазақстандық сарапшы әрі футбол комментаторы Нұрали Алтынбек қазақстандық шабуылшы Дастан Сатпаевтың «Бернли» сапындағы ойынына баға берді, деп хабарлайды Sports24.kz.
«Команда құлдырап, ыдырап барады. Меніңше, Сатпаев қайда келгенін көріп, шок алған шығар. Өйткені «Қайратта» ол чемпиондық пен еурокубоктер үшін күресті. «Челсиге» ауысқанда да белгілі бір үміт болды. Осындай жағдайда да өзінің футболын көрсетіп жүргені қуантады. Бернлиде трибунадағы жанкүйерлер оны қошеметпен қарсы алады. Бұл оның аз уақыт ішінде командаға пайдасын тигізетінін дәлелдеп, жанкүйерлердің ықыласына бөленгенін білдіреді. Мұның өзі көп нәрсені аңғартады. Ал жарақаттар – ойын қарқынының жоғары болуының салдары», – деді сарапшы Sports24.kz YouTube-арнасындағы подкастта.
Айта кетейік, бұған дейін ресейлік футбол комментаторы Тимур Журавель Дастан Сатпаевтың Қазақстаннан кеткеннен кейінгі мансабын жалғастыруы үшін «Бернлиге» жалға ауысуы жалғыз дұрыс шешім болғанын айтқан еді. Оның пікірінше, футболшының құқығына ие «Челсидің» негізгі құрамына ену мүмкіндігі өте аз болған.
Тоғыз турдан кейін «Бернли» Чемпионшипте жеті ұпай жинады. Бүгін түнде команда өз алаңында «Чарльтонды» қабылдайды. Матчтың тікелей трансляциясы Қазақстан уақытымен сағат 23:45-те басталады.
«Бернли» – «Чарльтон». Сатпаев алаңға шыға ма? Тікелей эфир
Сатпаев өнер көрсететін команда алдыңғы чемпионат матчында сырт алаңда «Уотфордты» 4:0 есебімен ірі есеппен жеңді. Бұл жеңіс «Бернли» үшін ағымдағы Чемпионшип маусымындағы алғашқы жеңіс болды.
