ВИДЕО: «Кан фестивалі» мен ресейлік боксшы арасындағы жекпе-жек нокаутпен аяқталды
Қазақстандық файтер Қанат Құлмағамбетов Астанада IBA Nomad ұйымдастырған International Boxing Day турнирінде ресейлік Тимур Абдурахмановпен жекпе-жек өткізді, деп хабарлайды Sports24.kz.
Орта салмақтағы жекпе-жек IBA Nomad лигасының ережесі бойынша (ММА қолғаптарымен бокс) өтіп, үш раундқа жоспарланған болатын. Алайда кездесу толық қашықтыққа созылмады. «Кан фестивалі» екінші раундта ресейлік қарсыласын ауыр нокаутқа жіберді.
Абдурахманов соққыдан кейін есін жия алмады және жекпе-жек қазақстандық файтердің нокаутпен жеңуімен аяқталды.
Айта кетейік, бүгінгі бокс кеші аясында бұған дейін Қазақстан өкілі Руслан Мадиев (18-2-1, 6 КО) өз отандасы, «Стоматолог» лақап атымен танымал Имран Агаевқа қарсы рингке шыққан еді.
Жекпе-жек үш раундтың қорытындысы бойынша төрешілердің бірауызды шешімімен Мадиевтің жеңісімен аяқталды. Кездесу барысында Агаев екінші және үшінші раундтарда екі рет нокдаунға түсті.
Айта кетейік, Астанадағы бокс кешінің басты жекпе-жегінде Еркебұлан Тоқтар Өзбекстан өкілі Бобиржон Исроиловпен кездеседі.
