«Біз алға жылжимыз»: Алимханұлы Шираздың титулдық жекпе-жектен бас тартуына жауап берді
Қазақстандық боксшы Жәнібек Алимханұлы британдық Хамза Шираздың онымен жекпе-жекте титулын міндетті түрде қорғаудың орнына WBO-ның екінші орта салмақтағы чемпиондық белбеуінен бас тарту туралы шешіміне пікір білдірді, деп хабарлайды Sports24.kz.
Шираздың командасы промоутерлік саудадан үш күн өткен соң Дүниежүзілік бокс ұйымына титулдан бас тарту туралы шешімін хабарлады. Аталған саудада британдық боксшының тарапы жеңіске жеткен болатын.
Алимханұлы бұл жағдайға X әлеуметтік желісіндегі жазбасымен жауап берді.
«Ол өз таңдауын жасады. Біз оны көрдік. Ол туралы жаман ештеңе айта алмаймын. Оған тек сәттілік тілеймін! Біз алға жылжимыз. Келесі кім?», - деп жазды Qazaq style.
Еске салайық, WBO Шираздың суперорта салмақтағы әлем чемпионы титулынан өз еркімен бас тартқанын растады. WBO-ның әлем чемпионаты комитеті бұл дивизион бойынша шешімін дүйсенбі, 21 қыркүйекте шығарады.
Айта кетейік, Жәнібек WBO-ның екінші орта салмақтағы титулына міндетті үміткер болып саналады. Бұған дейін қазақстандық боксшы орта салмақта өнер көрсетіп, екі чемпиондық белбеуге ие болған.
