Рыбакинаның US Open турниріндегі матчы кейінге шегерілді: себебі белгілі
US Open турнирінің бірінші айналымында Елена Рыбакина мен америкалық Теа Фродин арасындағы матчтың басталуы жаңбырға байланысты кейінге шегерілді, деп хабарлайды Sports24.kz.
Жаңбырға байланысты ашық корттардағы барлық кездесу кейінге қалдырылды. Рыбакинаның матчы да дәл осындай кортта өтуі тиіс еді. Әзірге матчтарды кем дегенде Астана уақытымен 21:00-ге дейін қайта бастау күтпейді, алайда бұл корттардағы ауа райы жақсарған жағдайда ғана мүмкін болады.
- Сондай-ақ оқыңыз: Forbes Рыбакинаның табысын есептеді: теннисші қанша ақша тапты?
Рыбакинаның кездесуінен бөлек, әйелдер арасындағы тағы төрт матч кейінге қалдырылды. Олардың қатарында Юлия Путинцева мен Белинда Бенчичтің ойыны да бар. Сонымен бірге ерлер турниріндегі төрт матч та кейінге шегерілді.
Аргентиналық Франсиско Комесана мен италиялық Флавио Коболли арасындағы матч жабық стадионда өтіп жатқандықтан, жауын-шашын олардың Астана уақытымен 20:10-да кездесуді бастауына кедергі келтірмеді. Ал қалған теннисшілер жаңбырдың тоқтауын күтуге мәжбүр.
