Рыбакина Цинциннатидегі турнирдің ширек финалында кіммен кездесуі мүмкін екені белгілі болды
WTA 1000 сериясындағы АҚШ-тың Цинциннати қаласында өтіп жатқан турнирдің 1/8 финалында Диана Шнайдерді жеңсе, Елена Рыбакинаның келесі қарсыласы кім болатыны белгілі болды, деп хабарлайды Sports24.kz.
Параллель өткен матчта польшалық Ига Швёнтек франциялық Диан Парриді 2:0 есебімен тізе бүктірді. Екі сетте де нәтиже бірдей болды: әлемнің бесінші ракеткасының пайдасына – 6:3.
- Сондай-ақ оқыңыз: Рыбакина АҚШ турнирінде: қазақстандықтың ресейлік қарсыласымен матчын қайдан көруге болады
Осылайша, Швёнтек Шнайдер мен Рыбакина арасындағы ойынның нәтижесін күтуде. Бұл кездесу 19 тамыз күні Астана уақытымен 23:30-ға жоспарланған, жеңімпаз Швёнтектің ширек финалдағы қарсыласы атанады.
Еске салайық, жуырда, 14 тамызда, осы екі теннисші Канаданың Торонто қаласында өткен WTA 1000 турнирінің финалында кездескен еді. Сол ойында польшалық спортшы сенімді түрде 2:0 есебімен жеңіске жеткен болатын. Ал Швёнтек Рыбакинаға қарсы осы аптадағы екінші кездесуіне қатарынан сегіз жеңіспен келіп отыр.
