Рыбакина АҚШ турнирінде: қазақстандық теннисшінің ресейлікке қарсы матчін қайдан көруге болады
Қазақстанның бірінші ракеткасы Елена Рыбакина АҚШ-тың Цинциннати қаласында өтіп жатқан "мыңдық" турнирінің 1/8 финалында ресейлік Диана Шнайдермен кездеседі, деп хабарлайды Sports24.kz.
Рыбакина ресейлік теннисшіге қарсы кортқа Қазақстан уақытымен сағат 19:00-де шығуы тиіс. Матчтың тікелей трансляциясы осы жерде қолжетімді.
- Матчтың ең қызықты сәттері Telegram-дағы Sports24.kz арнасында live режимінде қолжетімді
Турнирдің екінші айналымында қазақстандық теннисші АҚШ өкілі Тейлор Таусендті сенімді жеңді. Қазақстан өкілі қарсыласын екі сетте (6:3, 6:4) тізе бүктіріп, жарыстың келесі кезеңіне сенімді өтті. Ал үшінші айналымда поляк Магдалена Фрехті жаңбырлы ауа райына қарамастан ұтты.
Цинциннати турнирінің жеңімпазы жекелей сында WTA рейтингінде 1000 ұпайға ие болып, 1 086 220 доллар олжалайды. Турнирдің жалпы жүлде қоры – 7 433 076 доллар.
Айта кетейік, бұл турнирдің қазіргі чемпионы – жақында Еленаны жарыстан шығарған поляк теннисшісі Ига Швёнтек.
