Рыбакина Шнайдермен жекпе-жекке қатысты күткенін бөлісті
Елена Рыбакина Қытайдың Нинбо қаласында өтіп жатқан WTA 500 санатындағы турнирдің жартылай финалында ресейлік Диана Шнайдермен болатын жекпе-жекке қатысты күткенін бөлісті, деп хабарлайды Sports24.kz.
23 қазанда әлемнің бірінші ракеткасы Қытайдағы турнирдің финалына шығу үшін таласады. Жекпе-жек Астана уақытымен 14:40-та басталады.
«Диана Шнайдер мұнда бірнеше жақсы матч өткізді және жергілікті жағдайларға әбден үйреніп қалғаны анық. Оның үстіне, ол солақай, бұл міндетті сәл қиындатады. Көре жатармыз. Мен үшін ең бастысы — агрессивті ойнап, жақсы доп беру.
Бір-біріміздің ойынымызды жақсы білеміз, бұған дейін бірнеше рет кездескенбіз, сондықтан не күтетінімізді шамамен түсінеміз. Бірақ, әрине, матч алдында бәрін жаттықтырушылармен тағы бір рет талқылаймыз», — деді Рыбакина жекпе-жек қарсаңында.
Еске салайық, Нинбодағы турнирдің ширек финалында Рыбакина польшалық теннисші Катажина Каваны жеңді. Кездесу әлемнің бірінші ракеткасының 6:1, 3:6, 6:1 есебімен үш сеттегі жеңісімен аяқталды. Матч 1 сағат 45 минутқа созылды.
