ВИДЕО: Бубликтің Хачановпен матчта қалай жарқын камбэк жасағаны
Қазақстандық теннисші алғашқы партияда жеңіліп, кейін екі сетте жеңіске жетті
Теннис
ФОТО: instagram.com/almatyopen
Александр Бублик жігерлі жеңіске жетіп, Almaty Open турнирінің ширек финалында ресейлік теннисші Карен Хачановтан басым түсті, деп хабарлайды Sports24.kz.
Алғашқы партия ресейлік теннисшінің пайдасына аяқталды: Хачанов 6:4 есебімен мықты болды. Алайда осыдан кейін Бублик мінез көрсетіп, екі сетте де тай-брейкте жеңіске жетті. Қарсыластар кортта 2 сағат 28 минут өткізді.
Almaty Open турнирінің финалына шығу жолында қазақстандық теннисші тағы бір ресейлік Даниил Медведевпен кездеседі. Жартылай финалдық кездесу сенбі, 24 қазанда өтеді. Матч Астана уақытымен 18:00-де басталады.
Назарларыңызға Almaty Open турниріндегі Бублик пен Хачанов арасындағы матчтың бейнешолуын ұсынамыз.
