Рыбакина мен Соболенконың WTA қорытынды турниріндегі ықтимал реваншы жарияланды
Индиан-Уэллс турнирінің ресми аккаунты Елена Рыбакина мен Арина Соболенко арасындағы ықтимал жаңа тартыс арқылы жанкүйерлерді қызықтырды, деп хабарлайды Sports24.kz.
Жарыс ұйымдастырушылары жариялаған жазбада әлемнің үздік екі теннисшісінің Индиан-Уэллске алдағы оралуы еске салынды. Турнир 8–15 қараша аралығына жоспарланған.
«Келесі айда тағы қайталаймыз ба? Арина Соболенко мен Елена Рыбакина 8–15 қараша аралығында Индиан-Уэллске оралады», — делінген жарияланымда.
Еске салайық, 2026 жылдың наурыз айында Рыбакина Индиан-Уэллс турнирінің финалында Соболенкоға есе жіберген еді. Алайда ол US Open финалында Аринаны жеңді. Енді жанкүйерлер теннисшілердің WTA қорытынды турниріндегі жаңа кездесуін асыға күте алады.
Айта кетейік, US Open-нен кейін Рыбакина Бейжіңдегі турнирде өнер көрсетіп, екінші айналымда Алина Чараевадан күтпеген жерден 6:3, 4:6, 3:6 есебімен жеңіліп қалды. Кейін қазақстандық теннисші аяқ тұсындағы мәселеге байланысты Уханьдағы турнирден бас тартып, қалпына келу үшін үзіліс алды.
