Қазақстандық футболшылар Грузиядағы турнирде төбелес шығарды
Batumi Cup 2026 халықаралық жасөспірімдер турнирі кезінде Қазақстан құрамасы мен Тбилисидің «Динамо» клубының футболшылары арасында қақтығыс болды, деп хабарлайды Sports24.kz ajaratimes.ge басылымына сілтеме жасап.
Оқиға Кобулети қаласындағы «Челе Арена» стадионында болған. Жанжал басталғаннан кейін матчтың тікелей көрсетілімі тоқтатылды. Кейін басылым оқиғаның қосымша видеожазбаларын жариялады.
Грузиялық дереккөздің мәліметінше, төбелеске дейін ойыншылар арасында грузиялық футболшылар мен Грузияға бағытталған балағат сөздер мен әдепсіз сөздер айтылған. Жанжал кезінде қатысушылар бір-біріне түрлі заттарды да лақтырған. Бұл жайттар жергілікті БАҚ-қа сілтеме жасап хабарланды.
Оқиғаға қарамастан, ұйымдастырушылар жарысты тоқтатпады әрі Қазақстан командасын турнирден шеттетпеді. Жартылай финалда Қазақстан құрамасы Тбилисидің «Динамо» клубын 2:0 есебімен жеңіп, финалға шықты.
Шешуші матчта қазақстандықтар испаниялық «Вильярреалмен» кездесіп, 0:3 есебімен жеңіліп қалды.
Batumi Cup 2026 турнирі 7-11 қазан аралығында өтті. Жарысты Аджария футбол федерациясы ұйымдастырды.
