ҚХЛ-дегі «Барыс» — «Сибирь»: матчты тікелей эфирде қайдан көруге болады
Дүйсенбі, 12 қазанда астаналық «Барыс» Новосібірдің «Сибирь» командасымен Континенттік хоккей лигасының тұрақты чемпионаты аясындағы матчта кездеседі, деп хабарлайды Sports24.kz.
Кездесудің тікелей трансляциясы Қазақстан уақытымен 19:30-да басталады. Ойынды «Qazsport» телеарнасынан көруге болады.
Алдағы матч алдында «Барыстың» 13 ойыннан кейін 16 ұпайы бар. «Сибирь» 14 кездесуден кейін 11 ұпай жинаған. Алдыңғы матчта астаналықтар өз айдынында Омбының «Авангардын» 5:1 есебімен ойсырата жеңсе, новосібірліктер сырт алаңда Челябінің «Тракторынан» 2:1 есебімен басым түсті.
Командалар осы маусымда бұған дейін де кездескен. 7 қыркүйекте «Барыс» өз алаңында 7:1 есебімен ірі жеңіске жетті. Оған дейін астаналықтар ҚХЛ аясындағы қатарынан бес матчта «Сибирьден» жеңілген болатын.
