Елена Рыбакина WTA қорытынды турнирі алдында мәлімдеме жасады
Қазақстандық әлемнің бірінші ракеткасы Елена Рыбакина 2026 жылғы WTA қорытынды турнирі басталар алдында жанкүйерлеріне үндеу жолдады, деп хабарлайды Sports24.kz.
Қазақстандық теннисші АҚШ-тың Индиан-Уэллс қаласында жүргендегі әсерімен бөлісіп, маусым бойы қолдау көрсеткен жанкүйерлеріне алғысын білдірді.
«Баршаңызға сәлем! Осында, Индиан-Уэллсте болғаныма өте қуаныштымын. Ойындарымызды көріп, теннистің соңғы аптасынан ләззат алыңыздар. Әрине, жыл бойы мені қолдаған барлық жанкүйерлерге зор алғысымды білдіремін. Жақында кортта кездескенше», - деді Рыбакина.
Жеребе қорытындысы бойынша қазақстандық теннисші бірінші топқа түсті. Топтық кезеңде оның қарсыластары америкалықтар Коко Гауфф пен Джессика Пегула, сондай-ақ чехиялық Линда Носкова болады.
Рыбакина алғашқы матчын 8 қарашадан 9 қарашаға қараған түні Носковаға қарсы өткізеді. Сонымен қатар қорытынды турнирдегі нәтижесіне қарамастан, қазақстандық теннисші 2026 жылдың қорытындысы бойынша әлемдік рейтингте бірінші орынды сақтап қалатынына кепілдік берді.
