Азия ойындарында теннистен Қазақстан мен Өзбекстан арасындағы тартыс Қазақстанның сенімді жеңісімен аяқталды
Аичи мен Нагояда өтіп жатқан 2026 жылғы Азия ойындарында ерлер арасындағы жұптық теннис разрядында Қазақстанның Өзбекстанға қарсы кездесуі қазақстандықтардың сенімді жеңісімен аяқталды, деп хабарлайды Sports24.kz.
Ширек финал жолдамасы үшін қазақстандық дуэт Өзбекстан өкілдері Сергей Фомин мен Хумоюн Султановқа қарсы ойнады. Қазақстан өкілдері екі сетте жалпы 6:4, 6:2 есебімен сенімді жеңіске жетті.
Азия ойындарының келесі кезеңінде Шевченко мен Скатов жапониялық Юсукэ Кусухара мен Сюнсукэ Накагава және оңтүстіккореялық Квон Сун У мен Хон Сон Чхан арасындағы кездесудің жеңімпазымен жолығады.
Еске сала кетейік, Азия ойындарындағы ерлер арасындағы жекелей сында Шевченко 1/16 финалда Непал өкілі Абхишек Бастолуды 6:2, 6:2 есебімен сенімді түрде жеңді. Ал Скатов ирандық Касра Рахманиден үш сетте 2:6, 6:3, 6:3 есебімен басым түсті.
Азия ойындарының әйелдер арасындағы жекелей сынында Қазақстан сапында тек Юлия Путинцева өнер көрсетіп жатыр. Ол ширек финалға шықты.
XX жазғы Азия ойындары Жапонияда 19 қыркүйек пен 4 қазан аралығында өтеді. Жарысқа 45 елдің спортшылары қатысып, 460 медаль жиынтығы сарапқа салынады. Қазақстан намысын спорттың 35 түрінен 558 спортшы қорғайды.
