Александр Бублик US Open турнирінің екінші айналымындағы қарсыласын білді
Қазақстанның бірінші ракеткасы Александр Бублик АҚШ ашық чемпионатының екінші айналымында француз Адриан Маннариноға қарсы ойнайды, деп хабарлайды Sports24.kz.
ATP рейтингінде 67-орында тұрған Маннарино алғашқы айналымнан сүрінбей өтті. Француз бес сетте аргентиналық Тьяго Агустино Тирантены 4:6, 3:6, 6:3, 6:3, 6:3 есебімен жеңді. Кездесу төрт сағатқа жуық уақытқа созылды.
- «Бұл туралы көп ойлай берсең, көмектеспейді» – Бублик US Open жүлдесі туралы
Бублик пен Маннарино арасындағы US Open-нің 1/16 финалына шығу үшін өтетін матч 2 қыркүйекте болады. Кездесу Қазақстан уақытымен сағат 20:00-де басталады.
Еске салайық, турнирдің алғашқы матчында ATP әлемдік рейтингінде 16-орында тұрған Қазақстанның бірінші ракеткасы Александр Бублик америкалық теннисші Джеффри Вулфты 3:1 (6:4, 6:2, 3:6, 6:1) есебімен жеңді.
Қазақстандық теннисші 18 эйс жасап, 10 рет қос қателік жіберді және брейк-пойнттардың 8-інің жетеуін пайдаланды. Ал америкалық спортшы 4 эйс жасап, 3 рет қос қателікке жол берді және 8 брейк-пойнттың үшеуін жүзеге асырды.
Айта кетейік, Бубликтің US Open-дегі ең үздік нәтижесі – 1/8 финал. Александр бұл кезеңге былтыр жеткен болатын.
