Тоқаев Турловты FIDE президенті болып сайлануымен құттықтады
Қазақстан Президенті Қасым-Жомарт Тоқаев Қазақстан шахмат федерациясының басшысы Тимур Турловқа оның Халықаралық шахмат федерациясының (FIDE) президенті қызметіне сайлануына орай құттықтау жеделхатын жолдады, деп хабарлайды Sports24.kz.
Мемлекет басшысы отандасымызға беделді дүниежүзілік ұйымның басшысы ретінде табыс тіледі.
Еске салайық, Турлов Халықаралық шахмат федерациясының басшысы болып сайланды. FIDE-нің жаңа басшысын сайлау Халықаралық шахмат федерациясының Самарқандта өткен Бас ассамблеясында өтті. Турловпен бірге FIDE президентінің орынбасары қызметіне шахматтан бес дүркін әлем чемпионы Вишванатан Ананд ұсынылды.
Еске салайық, Турлов Қазақстан шахмат федерациясын 2023 жылдан бері басқарып келеді. FIDE мәліметінше, Қазақстанда шахматты мектептегі білім беру жүйесіне енгізу бағдарламасы 1 500-ден астам мектеп пен шамамен 60 мың баланы қамтыды.
