Сұлтан Заурбектің жекпе-жегі нокдаунмен және төрешілер шешімімен аяқталды
Қазақстандық боксшы IBF титулына үміткер мәртебесі үшін өткен жекпе-жекте Инглендті жеңді
ФОТО: offside.kz
Қазақстандық боксшы Сұлтан Заурбек австралиялық Джексон Инглендке қарсы маңызды жекпе-жек өткізді. Бұл кездесуде екінші жеңіл салмақтағы IBF әлем чемпионы титулына міндетті үміткер мәртебесі сарапқа салынды, деп хабарлайды Sports24.kz.
Квинслендте өткен жекпе-жек қазақстандық боксшының төрешілер шешімімен жеңісімен аяқталды. Төртінші раундта Заурбек қарсыласын нокдаунға түсірді.
Бұл жеңіс Заурбектің кәсіпқой рингтегі 21-жеңісі болды. Ол жеңіліссіз келе жатыр. Ал Ингленд үшін бұл кәсіпқой рингтегі төртінші жеңіліс болды.
Сонымен қатар, енді қазақстандық боксшы екінші жеңіл салмақтағы IBF әлем чемпионы титулы үшін жұдырықтасу мүмкіндігіне ие болады.
Қазіргі таңда екінші жеңіл салмақтағы IBF титулының иегері — мексикалық Эмануэль Наваррете.
