Ризабек Айтмұханның екі дүркін Олимпиада чемпионымен күресі: видео
Астанада күрес түрлерінен өтіп жатқан әлем чемпионатында қазақстандық Ризабек Айтмұхан мен ресейлік Абдулрашид Садулаев арасында белдесу өтті, деп хабарлайды Sports24.kz.
97 келіге дейінгі салмақ дәрежесінде өткен белдесуде 30 жастағы Садулаев жеңіске жетті. Екі дүркін Олимпиада чемпионы әрі алты дүркін әлем чемпионы Қазақстанның 22 жастағы өкілін 4:1 есебімен сенімді түрде ұтты.
Осылайша, Айтмұхан турнирдегі алғашқы белдесуінде жеңіліс тапты.
Енді қазақстандық балуанның медаль үшін күресін жалғастыруы үшін Садулаев финалға шығуы қажет. Бұл жағдайда Ризабек қола жүлде үшін жұбаныш белдесулеріне қатысу мүмкіндігіне ие болады.
Ал Ресейдің атақты чемпионы қазақстандық балуанды жеңгеннен кейін спорт сарайының ішкі дәліздерінде осылай жүріп өтті.
Еске салайық, 22 жастағы Ризабек Айтмұхан — 2023 жылғы әлем чемпионы, сондай-ақ Азия чемпионаттарының үш дүркін күміс жүлдегері.
Күрес түрлерінен 2026 жылғы әлем чемпионаты Астанада 24 қазанда басталып, 1 қарашаға дейін жалғасады.
