Ризабек Айтмұхан Астанадағы әлем чемпионатында Абдулрашид Садулаевқа есе жіберді

Қазақстандық балуан Ризабек Айтмұхан Астанада өтіп жатқан күрестен әлем чемпионатында ресейлік Абдулрашид Садулаевпен кездесті, деп хабарлайды Sports24.kz.

Қазақстандық Ризабек Айтмұхан Астанада өтіп жатқан күрестен әлем чемпионатындағы алғашқы белдесуінде жеңіліп қалды.

Еркін күрестен 97 келіге дейінгі салмақта өнер көрсететін отандасымыз іріктеу кезеңінде Ресей өкілі, екі дүркін Олимпиада және алты дүркін әлем чемпионы Абдулрашид Садулаевпен кездесті. Айтмұхан қарсыласына 1:4 есебімен есе жіберді.

Жеребе қорытындысы бойынша қазақстандық балуанға алғашқы айналымда әлемдік күрес тарихындағы ең атақты спортшылардың бірі қарсылас атанды.

Енді Айтмұханның жұбаныш белдесулеріне қатысу мүмкіндігі Садулаевтың финалға шыға алуына байланысты болады.

Арсен Алиев

Редактор ru, kk

0 0 0 0 0 0