Ламин Ямаль сүйіктісінің кесірінен концертте ыңғайсыз жағдайға тап болды — видео
Каталониялық «Барселона» клубы мен Испания құрамасының шабуылшысы Ламин Ямаль концерт кезінде түсірілген вирустық видеоныӊ кейіпкеріне айналды, деп хабарлайды Sports24.kz.
Әлеуметтік желілерде 19 жастағы футболшының музыкалық шара көрермендерінің арасында тұрған сәті тарады. Видеодан испаниялықтың болып жатқан жағдайға аса қатты қуана қоймағанын және айқын түрде ішінің пысқанын байқауға болады.
Жарияланым авторларының айтуынша, Ямаль концертке сүйіктісі, әнші Инес Гарсия үшін барған. Өзге көрермендер қойылымды тамашалап жатқанда, футболшы көпшіліктің көңіл көтеруіне қосылмай, шеткері қалуды жөн көрген.
Желі қолданушыларының ерекше назарын испаниялықтың жүз әлпеті аударды: ол іс жүзінде ешқандай эмоция танытпаған. Көңілді эпизод әлеуметтік желілерде тез тарап, әзілге арқау болды.
Айта кетейік, Ямаль әлемдік футболдағы ең көп талқыланатын жас жұлдыздардың бірі болып қала береді. «Барселона» сапындағы өнерімен қатар, испаниялық вингердің жеке өмірі де жұртшылықтың тұрақты назарында.
Футболшы әзірге тараған кадрларға қатысты көпшілік алдында пікір білдірген жоқ.
