Қытайдан шыққан этникалық қазақ UFC-ге оралып, қарсыласын бірінші раундта жеңді

Қытайдан шыққан этникалық қазақ Максат Қайсар (11-5) Қытайдың Шанхай қаласында өткен Road to UFC 5 турнирінде жеңіске жетті, деп хабарлайды Sports24.kz.

Турнирдің басты жекпе-жегінде Максат Қытайдан шыққан тағы бір этникалық қазақ Тайлак Нұражының (12-1) орнына қысқа мерзімде жекпе-жекке шықты. Ол америкалық Дарриус Флауэрспен (13-8-1) кездесіп, бірінші раундта «гильотина» әдісімен мерзімінен бұрын жеңіске жетті.

Турнир алдында Максат UFC-мен төрт жекпе-жекке келісімшартқа қол қойып, мансабындағы 12-жеңісіне қол жеткізді. Айта кетейік, Қайсар бұған дейін 2022-2025 жылдар аралығында UFC-де өнер көрсеткен.

Максат Қайсар қазақстандық файтерлер Шавкат Рахмонов пен Асу Алмабаевпен бірге Kill Cliff FC залында жаттыққан.

Темірбеков Самрат

Журналист

0 0 0 0 0 0