Белла Самашева Қазақстанға Азия ойындарындағы сегізінші медальді сыйлады
Жеңімпаз қосымша көрсеткіштер бойынша анықталды
Басқа спорт түрлері
Sports24.kz сайтын Google-ға қосу
ФОТО: НОК РК
Қазақстандық каратэші Белла Самашева Жапонияда өтіп жатқан Азия ойындарында қола медаль жеңіп алды, деп хабарлайды Sports24.kz.
55 келіге дейінгі салмақ дәрежесінде үшінші орын үшін өткен жекпе-жекте 22 жастағы спортшы Өзбекстан өкілі Севинч Рахимовамен кездесті. Негізгі уақыт ұпайсыз аяқталды – 0:0. Жеңімпаз қосымша көрсеткіштер бойынша анықталып, төрешілер Самашеваға басымдық берді.
Бұл медаль Қазақстан құрамасы үшін Жапониядағы Ойындардағы сегізінші жүлде болды.
Қазақстан құрамасының сегіз медалінің төртеуі каратэ жарыстарында жеңіп алынды. Жоламан Бигабыл мен Софья Берульцева Ойындардың чемпионы атанса, Асель Канай финалға дейін жетіп, күміс медаль иеленді.
