Қазақстан Азия ойындарында бесінші алтынды жеңіп алды — ММА-дағы ең жоғары дәрежелі медаль!
Қазақстандық спортшы Еркінғали Бүркіталин 77 келіге дейінгі салмақтағы ММА жарысында 2026 жылғы Азия ойындарының чемпионы атанды, деп хабарлайды Sports24.kz.
Финалдық жекпе-жекте Бүркіталин Бахрейн өкілі Мұхаммад Набиевпен кездесті. Бірінші раундтан кейін-ақ қазақстандық спортшының басымдығы байқалды: Набиевтің беті тілініп, жекпе-жекті қан-жоса күйде жалғастырды, ал Бүркіталин қарсыласының соққыларына іс жүзінде ілікпеді.
Екінші бес минуттықта Бахрейн спортшысы күреске басымдық берді, алайда жекпе-жек барысын өзгерте алмады.
Нәтижесінде төрешілер бірауыздан жеңісті Бүркіталинге берді — 3:0. Осылайша қазақстандық спортшы Азия ойындарындағы ММА жарыстарында ел тарихындағы алғашқы алтынды жеңіп алды.
ММА Азия ойындарының бағдарламасына алғаш рет 2026 жылы енгізілді. Бұған дейін бұл спорт түрінен Қазақстанның алғашқы медалін Санжар Әділов жеңіп алған болатын.
Қазақстанның тағы бір өкілі Қадырбек Шынбаев бүгін 71 келіге дейінгі салмақта финалдық жекпе-жегін өткізеді. Ол жартылай финалда Өзбекстан спортшысын жеңді.
Азия ойындарының алғашқы күндерінің қорытындысы бойынша Қазақстан құрамасы он медаль жеңіп алды: 5 алтын, 1 күміс және 5 қола.
2026 жылғы Азия ойындары Жапонияның Айти және Нагоя қалаларында өтіп жатыр және 4 қазанға дейін жалғасады.
