Азияда медальдар есебі: Өзбекстан Қазақстанмен арадағы алшақтығын қысқартты
Жапонияның Айти және Нагоя қалаларында өтіп жатқан XX 2026 жылғы жазғы Азия ойындарының алтыншы жарыс күні аяқталды, деп хабарлайды Sports24.kz.
Қазақстан құрамасы алтыншы жарыс күнінің қорытындысы бойынша Азия ойындарының жалпы медальдер есебінде төртінші орынға жайғасты. Қазақстан спортшыларының қоржынында түрлі деңгейдегі 30 жүлде бар: сегіз алтын, сегіз күміс және 14 қола медаль.
25 қыркүйекте қазақстандық спортшылар бес қола жүлдеге қол жеткізді.
Жалпы есепте Қытай көш бастап тұр (159 жүлде — 98 алтын, 37 күміс және 24 қола). Екінші орында 28 алтын медалі бар Жапония орналасқан, ал үздік үштікті Оңтүстік Корея (13 алтын медаль) түйіндейді. Өзбекстан бесінші орынға көтерілді (31 жүлде, оның жетеуі — алтын).
Айта кетейік, бұған дейін қазақстандық теннисшілер Азия ойындарындағы алғашқы қарсыластарын анықтаған болатын.
