Қазақстандық балуан күрестен 2026 жылғы әлем чемпионатында алтын медаль жеңіп алды
Қазақстан құрамасының еркін күрес шебері Мерей Базарбаев Лас-Вегаста (АҚШ) өтіп жатқан 23 жасқа дейінгі спортшылар арасындағы әлем чемпионатында алтын медаль жеңіп алды, деп хабарлайды Sports24.kz.
Қазақстандық балуан 57 келіге дейінгі салмақ дәрежесінде үздік атанды. Базарбаев финалдық белдесуде Түркия өкілі Бекир Кесерді 8:0 есебімен жеңді.
Шешуші кезеңге дейін қазақстандық балуан жастар арасындағы әлем чемпионы, америкалық Люк Лилледальды (3:1), француз Расул Галбураевты (13:2) жеңді, ал жартылай финалда жапониялық Дайто Кацумэден (7:0) басым түсті.
Бұған дейін Қазақстан құрамасына грек-рим күресінің өкілдері алты медаль сыйлаған еді.
Айбек Айтбеков (60 келіге дейін) пен Юсуф Ашрапов (72 келіге дейін) чемпион атанды. Темирлан Турдақын (87 келіге дейін) күміс медаль жеңіп алды, ал қола жүлдеге Арсен Жұма (55 келіге дейін), Джохар Узараов (130 келіге дейін) және Шұғыла Өмірбек (55 келіге дейін) ие болды.
