Шавкат Рахмонов Майкл Моралеске қарсы жекпе-жек өткізбейді ме? Басқа қарсылас табылды
Қазақстандық файтер Шавкат Рахмоновтың эквадорлық Майкл Моралеске қарсы октагонға шықпауы мүмкін, деп хабарлайды Sports24.kz.
«Двоечка ММА» Telegram-арнасының мәліметінше, Моралес қаңтарда өтуі тиіс украиналық Ярослав Амосовпен жекпе-жекке келісімшартқа қол қойған.
Егер бұл ақпарат расталса, Рахмонов пен Моралес арасындағы жекпе-жек өтпейді. Амосовпен жекпе-жекті ұйымдастыруға қатысты әзірге ресми растау жоқ.
Шавкат соңғы жекпе-жегін 2024 жылғы 7 желтоқсанда Лас-Вегаста өткен UFC 310 турнирінде өткізді. Қазақстандық файтер төрешілердің бірауызды шешімімен Иэн Мачадо Гэрриді жеңіп, ирландиялыққа мансабындағы алғашқы жеңілісін сыйлады.
Осыдан кейін Рахмонов тізесінен алған жарақатына байланысты жарыстан тыс қалды. 2026 жылғы қыркүйекте Рахмонов Гэрримен кездесуге дейін-ақ тізесіне қатысты елеулі мәселелері болғанын мойындады. Файтердің айтуынша, оның менискісі мен айқас байламы зақымданған, аяғы ісіп кеткен. Соған қарамастан, бір жылдық үзілістен кейін ол жекпе-жектен бас тартпауға шешім қабылдаған.
Жеңісінен кейін қазақстандық файтер титулдық мүмкіндік алуы тиіс еді, алайда денсаулығы оның жоспарларына қайтадан кедергі келтірді. Оңалту үдерісі созылып кетті, кейін қайта жарақат алып, тағы бір ота жасатуға тура келді. Нәтижесінде Шавкат 2025 жылды толық өткізіп алды және 2026 жылы да әзірге октагонға орала алмады.
Бұған дейін UFC президенті Дана Уайт қазақстандық файтер Шавкат Рахмоновтың октагонға ықтимал оралуы туралы пікір білдірген болатын.
