Еркебұлан Токтар Қазақстан Спорт министрлігінің марапатынан неге бас тартқанын түсіндірді
Қазақстандық ММА файтері Еркебұлан Токтар Спорт және туризм министрлігінің ведомстволық марапатынан бас тартқанын айтты. Оған марапат Спорт күніне арналған салтанатты шара аясында ұсынылған, деп хабарлайды Sports24.kz.
Спортшының сөзінше, ол марапатқа ие болу туралы ұсыныс алғанымен, оны қабылдамауға шешім қабылдаған. Токтар мұндай қадамға бұған дейінгі жағдайды еске алғаннан кейін барғанын түсіндірді. Ол жаңа марапаттан кейін де өзін арнайы марапатты сұрап алған деген пікірлердің пайда болуын қаламаған.
«Ұсыныстар көп. Жақында Спорт күніне орай спортшыларды марапаттады. Маған да ұсынды. Не айтқаным есімде жоқ, бірақ „Маған қажет емес“ деген сияқтымын. Жалпы, бармадым. Қайтадан өзім сұрап алғандай әңгіме болатын еді. Бұған дейін де адамдар менің „Еңбек сіңірген қайраткер“ атағыма байланысты „өзің сұрап алдың“, „оған лайық емессің“ деген сияқты сөздер айтты. Жігіттер, мен ештеңе сұраған жоқпын. Мені шақырып, марапатты табыстады. Бұл жолы сол жағдайды есіме алып, „Маған марапат керек емес“ дедім», — деді Еркебұлан.
Токтар бұған дейін алған «Еңбек сіңірген қайраткер» атағына қатысты пікірлерді де еске алды. Оның айтуынша, сол кезде кейбір адамдар спортшы бұл атақты өзі сұрап алған деген пікір білдірген. Алайда Еркебұлан марапатты өзі талап етпегенін, оған тиісті шешім қабылданып, салтанатты түрде табысталғанын атап өтті.
Спорт күніне орай спорт саласының өкілдерін марапаттауға арналған салтанатты рәсім 2026 жылғы 15 тамызда Астана қаласында өтті. Шараға Қазақстан Республикасының Спорт және туризм министрі Ербол Мырзабосынов қатысты.
Салтанатты жиын барысында спортшыларға мемлекеттік және ведомстволық марапаттар, сондай-ақ төсбелгілер табысталды. Марапатталғандардың қатарында ММА файтерлері Жалғас Жұмағұлов пен Арман Ашимов, боксшылар Назым Қызайбай, Нұрбек Оралбай және Айбек Оралбай секілді танымал қазақстандық спортшылар болды.
Ал Еркебұлан Токтар бұл жолы марапаттау рәсіміне қатысып, ұсынылған ведомстволық награданы қабылдамауды жөн көрген. Спортшының айтуынша, оның шешіміне бұрынғы марапатқа байланысты туындаған пікірталастар әсер еткен.
