«Біз бұл жағдайды реттейміз»: Садулаев Нурмагомедов пен Двалишвилидің төбелесіне қатысты пікір білдірді
Еркін күрестен екі дүркін Олимпиада чемпионы Абдулрашид Садулаев Усман Нурмагомедов пен Мераб Двалишвили қатысқан жаппай төбелеске қатысты пікір білдірді, деп хабарлайды Sports24.kz.
Ресейлік балуан екі тарапты да қарсыластықты тоқтатуға шақырып, мұндай оқиғалар халықтар арасындағы араздыққа себеп болмауы керектігін атап өтті. Садулаевтың айтуынша, жағдайды екі тараптың да үлкендері реттеуге көмектеседі.
«Біздің елдеріміз бен халықтарымыз арасында мұндай қақтығыстар болмауы керек. Біздің жақта да, олардың жағында да үлкендер бар. Ортақ мәмілеге келіп, бұл жағдайды реттейміз», - деді Садулаев.
Еске сала кетейік, жаппай төбелес 11 қарашада Абу-Дабидегі қонақүйлердің бірінде болған. Жанжал Мераб Двалишвили сұхбат беріп жатқанда, оған Усман Нурмагомедовтың келуімен басталды. Көп ұзамай спортшылар арасында төбелес шығып, оған екі команданың өкілдері де араласты.
Оқиғадан кейін Двалишвили алған жарақаттарын көрсетіп, Нурмагомедовтың командасын өзіне артынан шабуыл жасады деп айыптады.
