Тоғыз шайба: «Барыс» ҚХЛ-дегі үй сериясын сәтсіз бастады
26 қыркүйекте астаналық «Барыс» ҚХЛ тұрақты чемпионаты аясындағы матчта төменгі камалық «Нефтехимикке» қарсы ойнап, үй сериясын бастады. Кездесу Астанада өтті, деп хабарлайды Sports24.kz.
Матч алдында қарсыластар Шығыс конференциясының жоғарғы бөлігінде тұрған еді. «Барыс» жеті матчта он ұпай жинап, төртінші орынға жайғасты. Ал «Нефтехимик» сегіз ойыннан кейін 11 ұпаймен үшінші орында болды.
Командалар тартысты ойын көрсетіп, есептеріне тоғыз шайба қосты. Алайда Михаил Кравец шәкірттері қажетті нәтижеге қол жеткізе алмады. Қонақтар екі кезеңнен кейін 5:0 есебімен алда болып, матч жеңімпазының тағдырын іс жүзінде шешіп қойды.
Қорытындысында Нижнекамск қаласының қонақтары 6:3 есебімен жеңіске жетті. Алаң иелері сапында дәл соққыларымен Пилон, Симонов және Омирбеков көзге түсті.
Осы матчтан кейін «Барыс» төртінші орында қалды, ал төменгі камалық команда 13 ұпаймен Шығыс конференциясының көшбасшысына айналды.
Михаил Кравец командасы үй сериясын 27 қыркүйекте СКА-ға қарсы матчпен жалғастырады.
«Барыс» (Астана) – «Нефтехимик» (Нижнекамск) 3:6 (0:1, 0:4, 3:1)
0:1 - Жафяров (Белозёров, Николишин) - 06:08
0:2 - Селезнёв (Надворный, Соколов) - 23:55
0:3 - Точилкин (Жафяров, Николишин) - 25:06
0:4 - Петунин (Ерёменко, Бикмуллин) - 28:19 ГБ
0:5 - Соколов (Бикмуллин, Хайруллин) - 38:22 ГМ
1:5 - Пилон (Приски, Томпсон) - 41:10 ГБ
2:5 - Симонов (Логвин, Саркенов) - 45:12
2:6 - Тянулин (Хлыстов, Бикмуллин) - 46:39
3:6 - Омирбеков (Бритиков, Кайыржан) - 50:42
Қақпашылар: Шутов (Шепард, 25:06 - 60:00) - Озолин
