Қазаннан ұпайсыз: «Барыс» есеп ашқанына қарамастан, «Ақ Барсқа» есе жіберді
Астаналық «Барыс» Континенттік хоккей лигасының тұрақты чемпионатындағы матчта қазандық «Ақ Барстан» жеңіліп қалды, деп хабарлайды Sports24.kz.
Матчта есепті алғаш болып Михаил Кравец шәкірттері ашқанымен, олар басымдығын екінші кезеңнің басына дейін әрең сақтады. Осы тұста «Ақ Барстың» шабуылы бар күшін көрсетіп, екі жарым минутқа жетер-жетпес уақытта «Барыс» қақпасына қатарынан үш шайба соқты.
- Сондай-ақ оқыңыз: «Барыс» ойыншысы ҚХЛ-дың үшінші аптасының қорытындысы бойынша көшбасшылар қатарында
Кравец қақпашыны да ауыстырып, Андрей Шутовтың орнына Хантер Шепардты шығарды. Алайда америкалық қақпашы өз қақпасын шайбадан сақтай алмады: ол матчтың соңында тағы бір гол жіберіп алып, есепті ірі етті — «Ақ Барс» 4:1 есебімен жеңіске жетті. Осылайша қазандық клуб «Барыстан» бес ұпайға ұзап кетті.
Хоккей. ҚХЛ, тұрақты чемпионат
«Ақ Барс» (Қазан) – «Барыс» (Астана) 4:1 (0:1, 3:0, 1:0)
0:1 - Логвин (Дэй, Симонов) - 08:53
1:1 - Каталевский (Якупов) - 21:54
2:1 - Денисенко (Яруллин, Евсеев) - 23:20
3:1 - Миллер (Лямкин, Якупов) - 24:14
4:1 - Семенов (Денисенко, Яруллин) - 59:14 ПВ
Қақпашылар: Билялов - Шутов (Шепард, 24:14 - 60:00)
